لكلام إتسرا

الحمَدْ ياربي

الحمدْ ليك يا ربي عل طْبيعْتي

مازكيتْ نفسي أنت خيرْ منْ زكاها

عل دينْ الاسلام ومحبّتْ النبي

وشهادة بيك والروحْ أنت مولاها

أنت تعْرفْ إسمي وصورْتي

قبًلْ ما أنْكونْ ف بطًنْ مَيْ وحْشاها

عارًفْ بْديا ونْهيا ونْشايا وسِرْتي

وقبلْ لايكون ما خلقتي ف مرساها

نشكركْ ياربي سَوْتي بنانْ خْلقتي

وخْلقْتني عل ملّتْ محمد طهَ

أنت تعلمْ حقاً ما ف قلْبي وسْريرْتي

وتعلمْ ذاتي وخْطاها

إلا تبغي تمْحي زَلْتي

ونا بْوابكْ ماعندي سواها

إلا تبغي تعافي ذاتي

ما إعزَزكْ طبيبْ ف دواها

إلا تبغي ترْفعْ همْتي

تنْصرْها عل منْ عداها

إلا تبغي تصلحْ درِّيْتي

تشرقْ شَمس ف سْماها

إلا تبغي ثوبْ عليا وهَذي غايْتي

أنت تعْفني منْ نارْ وحْماها

يا ربي لاتواخدني هذي شكاتي

وشكوى ليكْ يا عالمْ مغزاها

ماقمتْ بلازمْ خاوْيَ جْعبتي

وعطْفكْ يشملْ السما وجباْل وَطاها

أنا عبدْ دليلْ ضعيفْ ف مْحنْتي

كنْ معيا يوم الحفْرة وغْطاها

يومْ لحساب وعطْراتْ درْجْتي

حالْتي ياربي تولاها

يوم الناسْ واقْفَ وَنا ف غْرَبتي

كنتْسنا كلْمتكْ ورْضاها

لايَني ظني وظنْ فيك سَرو ف ملْتي

يا ربي فك

يا ربي فكْ ماطرا لًعْباد
كُلْ سنًة علّة ومرضْ
هايجْ وحاملْ الوادْ
تخلّطْ الصافي مع لًخواضْ
ولا واحدْ فينا بلّغْ المراد
ما وفينا معامْلة ولاغرضْ
جاحْ العيبْ وطوّلْ ف لبلادْ
ف مراسم لاحيا لاعرضْ

عل طريق زاغتْ سْكوكْ الحياتْ
كانت العيشة زينة ودْبالتْ
كانت القلوب كْريمة وتهانتْ
لليل خيّمْ وصْباحو بهاتْ

رحّمْنا عل البارحْ وضاعْ اليوما
لسْعة قواتْ والكلمة مسمومة
الدنيا بسالتْ أُو فين ناس الحومة
لا طبيبْ إداوي ولاعرّافْ كال حشومة

الزجل

أنا الزجل كلام وفن ومَعْنى

مَن الحرْف إفْهم الفاهمْ قصدي

قومانْ مَن عهْد قَزْمان أللّهنا

نْدوَنْ ونْزمَمْ اليومْ وللي مَن بعْدي

للي سْكنْتو ياويلو عمرو ما إهْنة

قالو حرْفي دَارجْ عامي ما يَجْدي

ونا شعرْ ولحْن وطرب ومَغْنى

ف الملحون نْغرّد نَشْدي

والعصري وشعبي عندي سكْنة

إلا عْطفتْ نْقول لَحْروفي جودي

ولا هْجرْت لاتْعانَدْ رنّة

أنا الزجل والقوافي يا وَعْدي

عند المجدوب توجد روحْ البَنّة

والشيوخْ الناظمين عسَلْ شَهدي

للي صالو وعاشو ألف سنة

يالَبسْني عْبر وَوْزنْ لاشْ تْعدي

صوني بالمعاني والمعنى واللكْنة

حْروفي الرَيْقا هي مَجْدي

وسَرْ الحكمة جْعلْها مَوزونة

يومْ تروحْ كلامك العاشقينْ نهْدي

أنا الذي إ سْمي بيكْ إتْكَنة

الفصحى والعامية

 هدية الجمعية سبعة رجال لفن الملحون

سميت السبعة لفْضالْ

سميّتْهمْ راسْخة ف لَدْهانْ عنْد الغايبْ والحاضَرْ

بِهمْ مَدينْت لَحْضرْ زاهْية و تَزْها وَتْصولْ

جمْعية واعْدة مَوْعودة بمُسْتَقبَلْها الزاّهرْ

ب رْجالْ فَن الملحون تَنْشدْ بقْصايْدها تجُولْ

عَلَمتْها تبشَرْ أمْبشْر ب لبْشايَرْ

شَهْرة سيفْها بين السيوفْ أُسيفْها السيْف المسلولْ

متْوكلَ عل الواحدْ وحدو عالمْ السْرايرْ

بعَزم حَمْلا هَمْ التراثْ عل لرْقابْ محْمول

مرّحْبة بكلْ منْ جا أُمْرفْعة عل كلْ جايَرْ

فَتْحَ ابْوابْها بقلْب كبيرْ ياداخلْ البابْ مَحْلولْ

جمعية السبعة تقول ها الملحون ف لمْنابرْ

يْزها بيا َلمْكان َيحْلا بيا لْلسان نَسْبي لَعْقولْ

فني فَنْ لَشْياخْ للي صالو بكلامْهمْ عَمْرو لَمْطامَرْ

أنا الماضي والحاضر أنا الفن اللّمْفصّلْ المَقْبولْ

ب اللسان الحال تبوحْ هاني ياناس نتْحدى كلْ حاكَرْ

جبْحي وافي عامَرْالذْخايرْ مكْمولْ

ياسامعْ نظمي دعي ليكْ أُليا لرّبْ القادرْ

إكون أعويني ويشْملْني بعطفُ المشْمولْ

إسترْ شايْن فاتْ أشاينْ باقي ما يجعلني بين لَعْبادْ مدلولْ

هزو كفوفكم يوم نلقاه ماتكون ولانكون فهمي خايس حايَرْ

بلا حساب ألاعْقابْ مَجْمَعْنا الهيهْ عنْدُ راضي عنّا ناضر  ْ

أُصلِي يا ربي عل الشْفيع المخْتارْ طبيبْ كل معلولْ

توقيع البعليوي عبد السلام

قصيدة اش داني للزجال البوعليوي عبد السلام

مال هاد الناس


يا ك لباس
أشْ أوْقعْ مال هاد الناسْ

نْفَخ عليــــــــا نفخْ عْليك
أسْــــــــــــلام ولَ بالثمنْ
مالك أخويا أشْ وَقعْ ليكْ
فينْ الخيرْ فين الاحســـان

ياك لباس
أش وقعْ مال هاد الناسْ

الفتنة قلت الـــــــــــهنة
مـــــــــا ل هذا اش بْنَى
مـــــال هذا خَصُ سكنى
مـــــال هذا عاجباه الكنَة
اُومـــــــال هذا خَصُ بنّة

ياكَ لباس
اش وقعْ مال هاد الناس

فين الكلمة فين الحشــــمة
فيت النية فين الغشــــــمة
فين لْمسامحك ف الزَحمة
فين القراية فين الخــــدمة

ياك لباس
اش اوقع مال هاد الناس

كلـــــــــــــــها كيف إطبّلْ
أشْريك دّ الراس ودّ لفْضلْ
والرجل كرّدْ لَبْــــــــــصلْ
والمال إجهلْ وزيدْ إجـــهّلْ

ياك لباس
اش اوقع مال هاد الناس

مـــــــــلي تَــــــــدْخل مبـــــــــــــاشرة
مــــــــــا كــــــــــاين غيـــــــــــرْ أرى
حتى تخـــــــــرجْ ليـــــــــــــك الدوارَة
وِقـــــــــــطرو لــــــــــــــيك فالخرخارة
ها لي واكل الغنمي ها لي واكل البصارة

ياك لباس
اش وقع مال هاد الناس

هـــــــــــا لي إقلبْ علْ المحــــالْ
هـــــــــــا لي رادْ ليك البــــــــــالْ
هــــــــــــــــالي إشطحك فالغربالْ
وهـــــــــــــا لي دافَعْ السلعَة هَبالْ

ياك لباس
اش وقع مال هاد الناس

النــــفاق ولَ عـــــــــــــادة
والصـــــــفا تــــــــــــقادى
المعقول وسّـــــدْ وَســـــادة
نحدو أُكانْ هاد الكلام هَنـــا
شي واضحْ أشي بلْمــــــعنى
وكلها كيف تكول ليه الكَانة
أشْ وقعْ مال هاد الناس